Musawa ya isar da sakon Gwamnan Katsina a kan cewa dukkanin shugabannin jam'iyyar APC na kananan hukumomi su shiga lungu da sako na kananan hukumomin su don jawo wadanda suke ganin an masu ba daidai ba, don a fahimci juna.

Kwamitin a karkashin jagoranci Babban mai bawa gwamnan jihar Katsina shawara akan harkokin siyasa Hon. Ya'u Umar Gwajo-gwajo, tare da Uwar Jam'iyyar APC ta jihar Katsina bisa wakilcin Mataimakin Shugaban jam'iyyar na jihar Katsina Bala Abu Musawa, suna zagayawa jihar Katsina da kananan hukumomi 34 don neman hadin kan 'ya'yan jam'iyyar bayan tsogunguma nan da can da suka biyo bayan zaben fitar da gwani na takarar shugabacin karamar hukuma a jihar Katsina.

Zagayen ya fara da Yankin Daura a kananan  hukumomin Daura, Mai'adua, Sandamu, Baure, Zango, Kankiya, Kusada, Mashi da Ingawa.